Sinadura
Garbiñe Ubeda
'Birus berria, borroka zaharra'
Koronabirusaren garaian, bosgarren solairuko alargun bakartuak ordenagailuko birusaren aurkako babesa nola eguneratu duen azaltzen duen istorioa kontatu digu Garbiñe Ubeda idazleak.
-
Garbiñe Ubeda
3:13 min
“Eguneratu birusen aurkako babesa”, gogorarazi dio ordenagailu zaharrak piztu orduko, bosgarren solairuko alargun bakartuari. Pantailaren erdi-erdian zabaldu zaion leihotik egin dio oharra, eskritura apokaliptikoaren tankeran eta azken trena badoala ohartarazteko abisua bailitzan, din-dan-don hotsaren konpasean. Eta alargun bakartua eskolan azterketa kopiatzen harrapatu izan balute bezala sentitu da gizajoa. Ezinak jota irakurri du bigarren lerroa ere: “Ordenagailua kutsatuta egon daiteke”. Madarikatu ditu zeruak, lurrak eta pandemia; baina madarikatu ditu bereziki, semea eta haren ordenagailu zaharra, telefono bidezko kontrola aski ez eta skype izeneko martin-gala bat erabiltzera behartu nahi izan duelako. Horra orain". Honelaxe hasi du 'Faktoria' saioko ''Sinadura'' Garbiñe Ubeda idazleak.
