Faktoria magazina
Amalur disko berria
June Calsor: “Ni naizena da”
June Calsor abeslari eta konpositore donostiarrak Amalur lehenengo diskoa kaleratu du gaur eta 'Faktoria'n izan dugu diskoa erakutsiz.
-
June Calsor
26:29 min
Mugarik gabeko maitasunaz, elkartasunaz, bihotzaren sentimenduez eta buruko mugez ari da kantuan June Calsor Amalur diskoan. 11 kantuz osatu du diskoa. Euskara, gaztelera eta ingelera nahasten ditu kantuetan. Berak esan digun eran, euskara ama hizkuntza du, gaztelera aitarengandik jaso duena eta ingelera, batez ere entzun duen musikarik gehiena ingeleraz egindakoa izan delako. “Ni naizena da” esan digu. “Disko glokala da, globala ingeleraz eta lokala euskara eta gazteleraz”.
Diskoak deluxe bertsioan liburu artistiko bat ere badakar, ilustrazioari garrantzia handia eman diotelako. Kantu bakoitza ilustrazio batekin lotuta aurkeztu dute eta horiek bilduz eta azalpenak emanaz liburua ere kaleratu dute diskoaren lagun.
