Faktoria
Astelehenean
Iñigo Urkullu EAJren lehendakarigaia, "Faktoria"n
Ipar eta Hego Euskal Herriko hauteskundeek hartuko dute saioaren zatirik handiena.
-
Iñigo Urkullu, kanpaina hasierako ekitaldi batean. Argazkia. EFE
Martxan da Eusko Legebiltzarrerako hauteskunde kanpaina, eta ‘Faktoria’n astelehenean ekingo diegu hautagaien elkarrizketei. Hasteko, Iñigo Urkullu EAJren lehendakarigaia elkarrizketatuko du Maite Artolak, 08:30etik aurrera. Beste hauteskunde batzuei ere erreparatuko die saioak, bezperan herriko bozak izango baitituzte Lapurdiko, Nafarroa Behereko eta Zuberoako 18 herritan. Emaitzen berri emateaz gain, Eguzki Urteaga soziologoak analisia egingo du.
Solasaldian, Julen Orbegozok, Iñaki Galdosek eta Begoña Sanzberrok bestelako gaiak izango dituzte hizpide. Adolfo Arejitak euskarari lotutakoak ekarriko ditu; ‘Lagunarteko kontuak’ atalean, berriz, Bernardo Atxagaren agurra izango da.
10:00etan hasiko da magazina, Manu Etxezortuk gidatuta.
07:00etatik 13:00etara izango da zabalik "Faktoria".
