Gertukoak
Zahar etxeak Bizkaia
Bego Zearreta, zahar etxeetako langilea:'Egin dut, eta berriro egingo nuke'
Euskadi Irratia-Maider Martin
Bego Zearreta langileak argi eta garbi dauka, borrokak emaitzak ematen dituela.
-
7:31 min
Luze jo du zahar etxeetako lan gatazkak. Bi urte eta 370 lanuzte egin behar izan dituzte langileek euren aldarrikapen nagusienak lortzeko: 35 orduko lan astea, 1200 euroko soldata eta baja guztiak kubritzea, besteak beste.
Irailaren 26an sektorean gehiengoa duen GESCA patronalarekin aurre-akordioa lortu arren, hilabete gehiago itxaron behar izan dute langileek LARES eta ELBE sektoreko beste bi patronalekin akordioa lortzeko.
Azkenean, urriaren 27an, hiru patronalak eta langileen ordezkari sindikalak bildu ziren Bilboko PRECOren egoitzan akordioa sinatzeko eta ofizial egiteko. 5.000 langile ingururengan izango du eragina akordi sektorial honek.
