Gertukoak

Ahizpatasuna elkartea

Emakume marokoarrek pisuak alokatzeko dituzten zailtasunak salatu dituzte

EUSKADI IRRATIA | Olatz Arriola-Bengoa

Publikatuta: 2018/04/05 10:49 (UTC+2) Azken eguneratzea: 2020/11/30 14:02 (UTC+1)

Aurrera egin ahal izateko, gizartean dauden aurreiritziekin amaitzea ezinbestekoa dela uste dute. Horretarako indarrak batzea beharrezkoa dela diote.

• Orria entzun Orria entzun

• 

  Ahizpatasuna

  3:21 min

• Whatsapp
• Whatsapp
• telegram
• twitt
• Bidali
• Esteka kopiatu

Karima, Nadia eta Afaf, hiru emakume, hiru errealitate eta arazo bakarra: pisua alokatzeko edota lana aurkitzeko zailtasunak. Zailtasun horien atzean arrazakeria arrazoiak baino ez daudela uste dute. Ahizpatasuna elkarte euskalmagrebiarraren laguntzaz, instituzioekin eta arartekoarekin bildu nahi dute irtenbide bila.

Terrorismoarekin lotutako zurrumurruak eta beste hainbat atzetik dituztela kexu dira, eta jendeak haratago begiratzen ikasi behar duela diote aurrera egiteko. Euskal Herriko gizartea irekia dela esaten bada ere, benetako integraziora iristeko oraindik ere asko falta dela uste dute.

Nolanahi ere, ez dute etsiko. Borrokan eta lanean jarraitzeko prest daude, arazoak arazo, bertako sentitzen direlako.