Goiz kronika asteburua
Asteburuan
AHT, Manuel Vallsen G. Ordoñez saria eta Minbiziaren Kontrako Eguna, 'Goiz Kronika'n
Larunbatean, Felix Arrieta eta Eneko Bidegain izango ditu solaskide Joxe Juan Ugaldek. Bestalde, igandean, Gipuzkoako Minbiziaren Kontrako Elkarteko Maider Sierra elkarrizketatuko dugu.
Larunbatean, AHTren iparraldeko zatiaz hitz egingo dugu 'Goiz kronika' saioan. Felix Arrieta eta Eneko Bidegain izango ditu solaskide Joxe Juan Ugaldek, Bordele-Akize lerro berria bertan behera uzteko aholkatu du Parisek eskatutako txostenaz aritzeko. Gainera, Calaisen etorkinen artean izandako istiluak, Manuel Vallsek larunbatean bertan jasoko duen Gregorio Ordoñez saria eta legebiltzarrean Maddalen Iriartek eta lehendakariak autogobernuaz esandakoa ere izango ditugu hizpide.
Igandean, bestalde, Minbiziaren Kontrako Nazioarteko Eguna izanik, Gipuzkoako Minbiziaren Kontrako Elkarteko Maider Sierra elkarrizketatuko dugu. Psikologoa da, eta elkartean prebentzio programaren ardura darama.
Larunbatean, 07:00etan hasiko da albistegia. 08:00etan hasiko da albistegi nagusia, 08:30ean, berriz, solasaldian izango dira Felix Arrieta eta Eneko Bidegain.
Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta Gipuzkoako Minbiziaren Kontrako Elkarteko Maider Sierrarekin hitz egingo dugu. Jarraian, erreportajeen tartea izango dugu.
