Goiz kronika asteburua
Asteburuan
Pentsiodunen protesta eta espetxealdi iraunkor berrikusgarria 'Goiz Kronika'n
Larunbatean, Jexux Mari Mujika eta Mikel Izagirre izango ditu solaskide Joxe Juan Ugaldek. Igandean, Munduko Landagunea gobernuz kanpoko erakundeko presidente Auxtin Ortizekin hitz egingo dugu.
Asteburu honetan, gai ugari jorratuko ditu 'Goiz Kronika' saioak. Larunbatean, pentsiodunek deitu dituzten protestak, espetxealdi iraunkor berrikusgarria, Katalunian Societat Civil Catalanak deitu dituen manifestazioak eta PSE-EEren 25. urteurrena izango dituzte hizpide Jexux Mari Mujika eta Mikel Izagirre solaskideek, Joxe Juan Ugalde gidari dutela. Igandean, bestalde, Munduko Landagunea gobernuz kanpoko erakundeko presidente Auxtin Ortiz elkarrizketatuko dugu familia nekazaritzaz.
Larunbatean, 07:00etan hasiko da albistegia, 08:00etan hasiko da albistegi nagusia, eta 08:30ean, berriz, solasaldian izango dira Jexux Mari Mujika eta Mikel Izagirre.
Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta UMunduko Landaguneako Auxtion Ortizekin hitz egingo dugu. Jarraian, erreportajeen tartea izango dugu.
