Goiz kronika asteburua
Asteburuan
ETAren agiria, aurrekontuak eta Kuba, 'Goiz Kronika'n
Larunbatean, Jexux Mari Mujika eta Mikel Izagirre izango ditu solaskide Joxe Juan Ugaldek. Igandean, Ziortza Urkiza Urbegiko kidea elkarrizketatuko dugu.
Asteburu honetan, ETAk eragindako kalteari buruzko adierazpena plazaratu izanaz, EAJk Estatu espainiarreko aurrekontuei osoko zuzenketarik ez jartzeaz eta Kubako presidente berriaz ariko gara 'Goiz Kronika' saioan. Jexux Mari Mujika eta Mikel Izagirre izango ditu solaskide Joxe Juan Ugaldek, gai horietaz hitz egiteko. Igandean, bestalde, Ziortza Urkiza, Urbegiko kidea elkarrizketatuko dugu, gizartean bazterkeria arriskuan dauden pertsonak lanerako bidean jartzeko proiektuez.
Larunbatean, 07:00etan hasiko da albistegia, 08:00etan abiatuko da albistegi nagusia, eta 08:30ean solasaldian izango dira Jexux Mari Mujika eta Mikel Izagirre.
Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta Ziortza Urkiza Urbegiko kidearekin hitz egingo dugu. Jarraian, erreportajeen tartea izango dugu.
