Goiz kronika asteburua
Asteburuan
Manu Lezertua arartekoa, 'Goiz Kronika'n
Igandean elkarrizketatuko du Lezertua Joxe Juan Ugaldek, baita Ur Gorostiaga Seaskako zuzendaria ere. Larunbateko solasaldian, bestalde, Idurre Eskisabel eta Eneko Bidegain izango ditu bidelagun.
Asteburu honetan, Manu Lezertua arartekoa izango da Joxe Juan Ugalderen gonbidatu nagusia 'Goiz Kronika' saioan. Igandean elkarrizketatuko du, 09:00etan. Horrez gain, Senpereko lakuaren bueltan ospatuko dute urtero legez Herri Urrats, eta, horri lotuta, 08:00etan Ur Gorostiagarekin hitz egingo du, Seaskako zuzendariarekin. Larunbateko solasaldian, bestalde, Idurre Eskisabel eta Eneko Bidegain izango ditu solaskide, eta ETAren amaieraren ondorengoa, Legebiltzarreko Autogobernu Lantaldearen estatus berriari buruzko atariko testua osatzeko akordiorik eza eta Kataluniako inbestidura izango dituzte gai nagusi.
Larunbatean, 07:00etan hasiko da albistegia, 08:00etan abiatuko da albistegi nagusia, eta solasaldian izango dira 08:30ean Idurre Eskisabel eta Eneko Bidegain.
Igandean, 07:00etan eta 08:00etan izango dira albistegiak. 08:00etan izango da Ur Gorostiagaren elkarrizketa. 09:00etan, berriz, albiste nagusien errepasoa egingo dugu, eta Manu Lezertuarekin hitz egingo dugu. Jarraian, erreportajeen tartea izango dugu.
