Goiz kronika asteburua
Asteburuan
UEMA, Ibilaldia eta Iberdrolako jasangarritasunaren arduraduna, 'Goiz Kronika'n
Bestalde, larunbateko solasaldian, Xabier Gurrutxaga eta Jexux Mari Mujika izango ditu bidelagun Joxe Juan Ugaldek.
Asteburu honetan, UEMAko presidentea, Ibilaldia antolatu duen Santurtziko Bihotz Gaztea ikastolako zuzendaria eta Iberdrolako Jasangarritasun kudeatzailea elkarrizketatuko ditu Joxe Juan Ugaldek, 'Goiz Kronika' saioan. Solasaldian, gainera, Xabier Gurrutxaga eta Jexux Mari Mujika izango ditu bidelagun Joxe Juan Ugaldek, eta Gürtel auziaz, EAJk estatuko aurrekontuei emandako babesaz eta pentsio duinak eskatzeko mobilizazioez ariko dira larunbatean.
Larunbatean, 07:00etan hasiko da albistegia, 08:00etan abiatuko da albistegi nagusia, eta Josu Labaka UEMAko presidentea elkarrizketatuko dugu, larunbatean Udalerri Euskaldunen Eguna ospatuko dutelako Diman. 08:30ean, solasaldian izango dira Xabier Gurrutxaga eta Jexux Mari Mujika.
Igandean, 07:00etan eta 08:00etan izango dira albistegiak. 08:00etan, Ibilaldia jaiaren atarikoen berri emango digu Andone Ruizek, Santurtziko Bihotz Gaztea ikastolako zuzendariak. 09:00etan, berriz, albiste nagusien errepasoa egingo dugu, eta Mónica Oviedo Iberdrolako Jasangarritasunerako Kudeaketaren arduraduna elkarrizketatuko dugu. Jarraian, erreportajeen tartea izango dugu.
