Goiz kronika asteburua
Asteburuan
Gure Esku Dagoren giza katea eta Eskola Txikien festa, 'Goiz Kronika'n
Erabakitzeko eskubidearen aldeko giza kateari eta eskola txikiek Oikian egingo duten festari begira egongo gara igandean. Donostiako Aquariumeko komunikazio arduradunarekin ere hitz egingo dugu.
Asteburu honetan, Gure Esku Dagok erabakitzeko eskubidearen alde Donostia, Bilbo eta Gasteiz lotzeko antolatu duen giza kateari jarraipena egingo diogu 'Goiz Kronika' saioan, baita Oikian Eskola Txikien alde egingo duten festari ere. Igandean egongo da Joxe Juan Ugaldek gidatzen duen saioa bi hitzordu horiei begira. Gainera, Xabier Lasaga Donostiako Aquariumeko komunikazio zuzendaria elkarrizketatuko dugu. Larunbateko solasaldian, bestalde, Mikel Izagirre eta Eneko Bidegain izango dira solaskideak, eta Espainiako Gobernua, Gure Esku dagok deitutako giza katea eta Nafarroako Gobernuak 2020rako plastikozko poltsak eta erabilera bakarra duten plastikozko beste produktu batzuk debekatzeko onartutako legea izango dituzte hizpide.
Larunbatean, 07:00etan hasiko da albistegia, 08:00etan abiatuko da albistegi nagusia eta 08:30ean solasean arituko dira Mikel Izagirre eta Eneko Bidegain.
Igandean, 07:00etan eta 08:00etan izango dira albistegiak. 09:00etan, berriz, albiste nagusien errepasoa egingo dugu, eta Xabier Lasaga Donostiako Aquariumeko komunikazio zuzendaria elkarrizketatuko dugu. Jarraian, erreportajeen tartea izango dugu.
