Goiz kronika asteburua
Igandean
Paul Bilbao Kontseiluko idazkari nagusia, 'Goiz Kronika'n
Larunbateko solasaldian, Idurre Eskisabel eta Eneko Bidegain izango ditu bidelagun Joxe Juan Ugaldek, aurrekontuez, Osakidetzako zuzendariaren dimisioaz, Euskaraldiaz eta Brexitaz aritzeko.
-
Paul Bilbao. Argazkia: Euskal Telebista
Paul Bilbao Kontseiluko idazkari nagusia izango da asteburu honetako 'Goiz Kronika' saioko gonbidatu nagusia. Igandean 09:00etan elkarrizketatuko du Joxe Juan Ugaldek. Gainera, solasaldian, Idurre Eskisabel eta Eneko Bidegain arituko dira aurrekontuez, Osakidetzako zuzendariaren dimisioaz, Euskaraldiaz eta Brexitaz.
Larunbatean, 07:00etan hasiko da albistegia, 08:00etan abiatuko da albistegi nagusia eta 08:30ean arituko dira solasean Idurre Eskisabel eta Eneko Bidegain.
Igandean, 07:00etan eta 08:00etan izango dira albistegiak. 09:00etan, berriz, Paul Bilbao Kontseiluko idazkari nagusiaren elkarrizketa izango dugu eta, jarraian, erreportajeak eta zientzia eta teknologiari lotutako gaiak izango ditugu.
