Efemerideak
Irailak 25
Jesus Guridi: Euskal kantu tradizionalei erreparatu zien konpositore polifazetikoa
Igotz Alkorta | EITB MEDIA
Atzo bete ziren 135 urte Jesus Guridi musikari handia Gasteizen jaio zenetik. Munduan barrena ikasi eta irakasten ibilia, konpositore bikain eta polifazetikoa, euskal abesti zaharrak bildu eta zabaltzen ere aritu zen. Sabin Salaberri irakasleak eman dizkigu xehetasunak.
-
Jesus Guridi.
4:24 min
1886ko irailaren 25ean Gasteizen jaio zen Euskal Herriak eman duen konpositore handienetakoa: Jesus Guridi. Hainbat urtean Frantzian, Belgikan eta Alemanian ibili ondoren, 1907an itzuli zen Bilbora. Konpositore polifazetikoa izateaz gain, eskolak eman zituen kontserbatorioan, organojolea izan zen… eta Bilboko abesbatza zuzendu zuen.
Gerra aurretik, euskal musika indartzeko ahaleginean, abesti ezagunak aurkitu zituen: Boga boga edo hator hator ezagunak tartean.
Sabin Salaberri musika irakasle eta adituaren laguntzaz osatu du efemeridea Joxe Juan Ugalde lankideak.
