Hiri Gorrian
Juan Ignazio Zulaika
Whitey Bulger mafioso boteretsuaren euskal konexioa
Whitey Bulger Estatu Batuetako mafia irlandarreko buruzagi mitikoak Roger Wheeler World Jai Alai frontoien jabea hil zuen 1981an. Wheeler Juan Ignazio Zulaika puntistaren nagusia zen garai hartan.
-
14:48 min
Whitey Bulger Estatu Batuetako mafia irlandarreko buruzagi mitikoak Roger Wheeler World Jai Alai frontoien jabea hil zuen 1981eko maiatzaren 27an, Tulsako aparkaleku batean. Wheeler enpresari handia zen, World Jai Alai-en jabea. Juan Ignazio Zulaikak 'Hiri Gorrian' kontatu digu nola gogoratzen duen erailketa hura. Zulaikak zesta puntan jokatzen zuen Floridan, bere nagusia tiroz hil zutenean. Hilketa horretan nahastuta zeuden John Callahan World Jai Alai-ko arduradunetakoa bat, Paul Rico FBI-ko agente izandakoa, Johnny Martorano 'Winter Hill' gaizkile taldeko kidea...
Errealitateak fikzioa gainditzen duela erakutsi du beste behin. Whitey Bulger mafiosoa, joan den asteartean, Virginiako kartzela batetik Oklahoma City-ko beste batera eraman zuten, eta iritsi bezain laster erail zuen preso batek.
Juan Ignazio Zulaika pelotari erretiratuak, pelikula beltzenean ere agertzen ez diren lotura eta harremanak azaleratu dizkigu 'Hiri Gorrian'.
