Hiri Gorrian
1968-2018
Leok'k taldea: 'Mod eta hippyak ginen'
1968an sortu zuten taldea eta 50 urte daramatze espiritu bera mantentzen Zestoako LEOK'K taldeko rockero zaharrek.
-
Leok'k taldeko kideak. Argazkia: Euskadi Irratia
28:12 min
50 urte bete ditu Leok'k rock talde zestoarrak, eta mende erdiko ibilbide musikala ospatzeko Infinituari segika diskoa kaleratu dute. Durangoko Azokan aurkeztuko dute. Lehenengotarikoak izan ziren euskal musika modernizatzen. 1968an sortu zen taldea eta 1972ra arte plazaz plaza ibili ziren nazioarteko talde ezagunen bertsioak kantatuz. Soldaduska garaia iritsi zitzaien arte.
Gotzon Lizaso, Jesus Aranberri, Lluis Llavori eta Juan Antonio Kortadi izan ditugu 'Hiri Gorrian' bisitan, hasierako urte haiek gogora ekarriz eta etorkizunerako dituzten planak ere kontatuz.
