Landaberri
Landaberri
Oliba uztaren bilketa eta EHNE sindikatuaren salaketa
Mahatsarekin eta sagarrarekin gertatu ez den moduan, oliba uzta bikaina izan da aurten. Bestalde, Nafarroako Gobernuak diru-laguntzarik gabe utzi du nekazaritza eta abeltzaintza ekologikoa.
Oliba uztaren bilketa amaitu berri da, eta mahatsarekin eta sagarrarekin gertatu ez den moduan, uzta bikaina jaso berri dute. Arbequina motako olibak dira, batez ere, Araban olioa egiteko erabiltzen direnak. Olioaren Mahaiko kidea den Gorka Mauleonekin hitz egingo dugu larunbatean, eta poliki-poliki Araban indarra hartzen ari den sektore horri buruz hitz egingo dugu berarekin.
Bestalde, EHNE sindikatuak egindako salaketa izango dugu aipagai. Nafarroako Gobernuak nekazaritza eta abeltzaintza ekologikoak inolako diru-laguntzarik gabe utzi dituela salatu du EHNEk.
