Lizardiren Baratza
Lizardiren Baratza
Anne Sexton, Errege Egunean Lizardiren Baratzean
Opari ederra eskainiko die Errege Egunean Anne Sexton poetaren jarraitzaileei Euskadi Irratiak: Lizardiren Baratzaren 2 emanaldi; bata 15:00etan eta 22:00etan bestea.
Anne Sextonen (1928-1974) poesia autobiografiatik abiatzen den poesia da, batez ere alderdi psikologikoari heltzen diona, eta garai hartan tabuak ziren gaiak jorratzen ditu: sexua, gaixotasuna, suizidioa eta abortua, besteak beste. Robert Lowell eta Sylvia Plath dira korronte horretako beste bi ahots nabarmen, Sextonen garaikide eta lagunak biak.
Anne Sexton ipar amerikar poetaren bost poema euskaratu ditu Harkaitz Cano idazleak. Harkaitz Canorekin batera, Felipe Juaristik, Juan Ramon Makusok eta Josune Muñozek poetaren obran eta testuinguruan sakonduko dute.
Urtarrilak 6 Errege eguneko opari Euskadi Irratian, Lizardiren Baratzeko entzule guztientzat. Arratsaldeko 15:00etan eta gaueko 22:00etan.
