Mezularia
Eskozia
Eskoziako erreferendum eguna nola doan aztertuko dute 'Mezularian'
Euskadi Irratiak erreferendumaren gaineko jarraipena egiteko bidalitako kazetariekin, Maite Artola, Iratxe Etxebarria eta Iñaki Espigarekin, eta Ander Larunbe eta Igor Calzadarekin hitz egingo dute.
Eskoziako erreferendum eguna nola doan aztertuko dute Euskadi Irratiko "Mezularia" saioan, arratsaldeko 6etatik aurrera. Euskadi Irratiak prozesuaren jarraipen zabala egiteko bidalitako kazetariekin (Maite Artola, Iratxe Etxebarria eta Iñaki Espiga) errepasatuko dute eguna. Eta, horretaz aparte, Igor Calzada Oxfordeko ikerlariarekin eta Ander Larunbe eskoziar itzultzailearekin hitz egingo dute.
Ostiralean, irailaren 19an, Eskoziako erreferendumaren emaitzak aztertuko dituzte Jule Goikoetxea eta Alberto Lopez Basaguren EHUko Politika Zientzietako irakasleekin eta Martxelo Otamendi Berria egunkariko zuzendariarekin eta Iñaki Soto Gara egunkariko zuzendariarekin.
