Tokikom
Antzerkia
Xabier Leteren 'Gabon Txirrita' antzezteko prest Urnietan
2016ko kultur hiriburutzak, Donostia ez ezik, hainbat herri murgildu ditu kultur egitasmoetan. Urnietan, 'Gabon Txirrita' izeneko obra prestatzen ari dira. Antzezlan hori Xabier Letek idatzi zuen.
-
'Txirrita'
14:50 min
2016ko kultur hiriburutzak, Donostia ez ezik, hainbat herri murgildu ditu kultur egitasmoetan. Urnietan, 'Gabon Txirrita' izeneko obra prestatzen ari dira. Antzezlan hori Xabier Letek idatzi zuen. Donostian eta Urnietan egingo dute antzelanaren estreinua irailean. Urnietako 30 lagunetik gora ari dira antzezlana prestatzen. Aktore lanetan gazteak zein helduak. Horietako batek 1982an ere parte hartu zuen, hain zuzen ere, antzezlana aurkeztu zen lehenengo aldian. Jose Manuel Lujanbio, 'Txirrita' bertsolariaren hainbat pasadizo kontatzen ditu obra honek. Aurten, 80 urte bete dira Jose Manuel Lujanbio 'Txirrita' hil zela, eta aitzakia ona iruditu zaie obra berriro antzezteko. Era horretan, duela mende bateko gizartearen argazkia ere izan nahi du obra honek. Egunotan burubelarri ari dira Urnietan antzezlana prestatzen. Ikusmin handia dagoela esan digute Joni Ubeda, Tokikom-eko kazetariak, eta, Joxeba Lizeaga antzezlaneko partaideak.
