Beste kirolak
Irabazi duten arren
Bera Berak astebete itxaron beharko du liga irabazteko
Erredakzioa
Reyes Carreren jokalariak aise nagusitu dira, baina Elxek ere garaipena lortu du eta gipuzkoarrek datorren astean jantziko dute ligako txapela.
-
Gipuzkoarrek Castron amaituko dute liga. Efe.
Bera Bera Eskubaloi taldeak ezin izan du Bidebietan Liga irabazi, nahiz eta Rocasa 35 eta 17 mendean hartu duten. Baina Elx sailkapeneko bigarrenak ere bere partida irabazi du, eta, ondorioz, gipuzkoarrek datorren astera arte itxaron beharko dute txapeldun izateko.
Hurrengo jardunaldian, ligako azkena, Castrori bisita egingo dio Bera Berak . Talde kantabriarrak maila galdu du eta partida bakarra irabazi du 23 jardunalditan, beraz, garaipena, eta liga txapelketa, ia ziurtatuta dirudite.
Bera Berak, gainera, alde du Elxekiko golen aldea, gipuzkoarrak nagusi izan baitziren Bidebietako norgehiagokan (24-18) eta gol bakar bategatik galdu zuten Alacantekoan (22-21).
Hala ere, nahiz eta liga irabazi ez, larunbateko partidak esanahi berezia izan du, Reyes Carrere entrenatzaileari eta Eider Rubio jokalariari agur esan baitiete. Biek eskubaloia utziko dute denboraldiaren amaieran.
