Beste kirolak
Michael Phelps
Baltimorreko marrazoak lehia ofizialera itzuliko dela iragarri du
Londresen sei domina irabazi ondoren erretiratzea erabaki zuen, 22 domina irabazi eta munduko 37 errekor hautsita. Baina lehia faltan bota du eta igerilekuetara itzuliko da datorren astean.
Michael Phelps estatubatuarrak lehia ofizialera itzuliko dela iragarri du. Datorren astean berragertuko da, Arizonan, eta maiatzean Charlotten eta Kaliformian lehiatzeko izena eman du dagoeneko. Zurrumurruen arabera, Baltimorreko marrazoak 2015eko Munduko txapelketan eta Rioko joko olinpikoetan izatea du helburu.
Azken hamarkadetako igerilaririk onena izan da Phelps, eta berak gainditu zuen, besteak beste, Mark Spitz entsutetsuaren marka.
Gogotsu eta zorrotz entrenatzen ari da, eta bere dieta ospetsuari heldu dio, bueltan etorri eta igerilekuetako errege izateko berriro.
