Beste kirolak
Bodyboard zirkuitua
Euskal body zirkuitoa hasiko da asteburuan
K.I.
Erredakzioa
Lehen txapelketa larunbatean eta igandean Sopelanako Atxabiribilen egingo da.
Hilabete baten olatu faltak tarteko lehen proba atzeratu beharrean aurkitu ondoren, asteburu honetan hasiko da euskal bodyboard zirkuitua. Lehen txapelketa larunbatean eta igandean Sopelanako Atxabiribilen egingo da.
Larunbatean goizeko 8retarako deitu dituzte parte hartzaileak. Iragarpenak hobeak dira larunbaterako iganderako baino, ondorioz, ahalik eta txanda gehien lehen egunean egiten saiatuko dira.
Euskal zirkuitoa lau probek osatuko dute: lehenengoa Sopelanan, bigarrena uztailan Donostian, hirugarrena urrian Zumaian, eta azkena abenduan Lemoizko La Central olatuan.
