Itxi

Beste kirolak

Boxeoa

Kerman Lejarragak kontratu garrantzitsua sinatu du AEBetan lehiatzeko

A.B.

'Morgako Errebolberra' ezizenaz ezaguna den boxealari bizkaitarrak 'DiBella Entertainment' promotorarekin kontratua sinatu du hiru urterako. Amerikako Estatu Batuetan hasiko da lehiatzen.

  • Kerman Lejarraga. Argazkia: EFE

    Kerman Lejarraga. Argazkia: EFE

Kerman Lejarraga boxealari bizkaitarrak hiru urterako kontratua sinatu du Amerikako Estatu Batuetako 'DiBella Entertainment' promotora garrantzitsuarekin. Hala jakinarazi du orain arte Kerman zeraman 'MGZ Promotions'ek.

'Morgako Errebolerra' ezizenaz ezaguna da Lejarraga eta Lou DiBella boxeo-munduko eragile garrantzitsuenetako baten interesa piztu du. "Ez zait edozein boxealari fitxatzea gustatzen, ilusioa eragiten dutenak bakarrik kontratatzen ditut", adierazi zuen DiBellak ESPN kateari duela gutxi eskainitako elkarrizketan.

Kontratu honekin Kerman Lejarragak borrokaldi kopuru bat bermatuta izango du urtero. Bere irabaziak aldatzen joango dira emaitzen arabera, horiek eragingo baitute telebista kateek bere borrokaldiengatik diru gehiago eskaintzea.