Dementievak tenisa utziko duela adierazi du

Erredakzioa

Azken eguneratzea: 2010/10/29 19:23 (UTC+2)

Errusiarrak, 2008ko Pekingo Olimpiadetan garaile, agur esango dio tenisari zirkuitu profesionalean hamahiru urte eman ondoren.

Whatsapp
Whatsapp
telegram
twitt
Bidali
Esteka kopiatu

Elena Dementievak 29 urterekin agur esango dio goi mailako tenisari. 2008an Pekingo Olimpiadetan urrezko domina lortu zuen emakumeak, gaur hartu du erabakia Francesca Schiavoneren aurka 6-4 eta 6-2 galdu ostean, Dohako Emakumezkoen Mastersean.

Hamhiru urte goi mailako zirkuituan eman eta gero eta 16 bakarkako titulu irabazi ostean, errusiarrak txapelketa ofizialak utzi egingo ditu. Gainera Dementieva bi aldiz izan da Grand Slameko finaletan (Roland Garros eta Estatu Batuetako Irekia 2004).