Beste kirolak
Tenisa
Federer Miamitik at geratu da eta munduko sailkapeneko lehen postua galdu du
Erredakzioa
Roger Federerrek porrota jaso du Thanasi Kokkinakisen aurka eta Miamiko Mastersetik kanporatua izan da. Munduko sailkapeneko lehen postua galdu du suitzarrak, Nadalen mesedetan.
-
Roger Federer, Miamin porrota jaso ostean. Argazkia: EFE
Roger Federer Miamiko Txapelketatk at geratu da, eta txapelketako ezusteko handienetako bat izan da. Thanasi Kokkinakisen aurka galdu du suitzarrak, 6-3, 3-6, 6-7(4)ko emaitzarekin. Kokkinakis, 175. sailkatua da ATPko rankingean.
Federreren kanporatzearen ostean, Rafael Nadalek berreskuratuko du ATPko rankingeko lehen postua astelehen honetan. Roger Federerrek final-laurdenetara iristea behar zuen lehen postua mantentzeko eta ezin izan du helburu hau lortu.
Federerrek ez du Roland Garros jokatuko
Miamiko Mastersetik at geratu ostean, Roger Federerrek esan du, ez duela parte hartuko lurreko txapelketetan eta ez dela Roland Garrosen egongo ere gaineratu du. "Ez dut lurreko txapelketetan parte hartuko", esan du Federerrek.
