Beste kirolak
Lehen kanporaketa
Davis Kopa: Espainiak txapelketatik at utzi du Belgika
A.B.
Erredakzioa
Nadalek eta Verdascok garaipen bana lortu zuten ostiralean eta kanporaketa 0-2 alde jarri zuten. Verdascok eta Feliciano Lopezek garaipena lortu dute binakakoan.
Rafael Nadalek Ruben Bemelmansi irabazi zion ostiralean (1-6, 4-6 eta 2-6) eta Fernando Verdascok gauza bera egin zuen Xavier Malisseren aurka (4-6, 3-6 eta 1-6). Bi tenislari hauek 0-2 jarri zuten kanporaketa Espainiaren alde.
Larunbat honetan binakako partida jokatu da. Feliciano Lopezek eta Fernando Verdascok osatu dute bikote espainiarra. Steve Darcis eta Olivier Rochus izan dituzte aurkari eta espainiarrak nagusitu dira 7-6, 6-4 eta 6-3ko emaitzarekin.
Honela, Espainia 0-3 irabazten ari da kanporaketa eta Belgikak jada ez du zereginik. Espainia bigarren txandara pasa da.
