Beste kirolak
Estreinaldi erosoa
Wimbledon: Nadalek erraz garaitu du Russel lehen txandako partidan
Erredakzioa
Bi ordu baino gutxiago behar izan ditu Manacorrekoak tenislari amerikarrari 6-4, 6-2 eta 6-2ko emaitzarekin irabazteko.
-
Nadalek 6-4, 6-2 eta 6-2 irabazi dio Michael Russelli Wimbledoneko lehen partidan. Argazkia: EFE
Rafael Nadal tenislari espainiarrak debuta egin du Wimbledonen astelehen honetan eta ez du arazorik izan Michael Russeli hiru setetan irabazteko 6-4, 6-2 eta 6-2ko emaitzarekin. Nadal iazko txapelduna da eta titulua defendatzen du.
Garaipen honekin Manacorrekoa bigarren txandarako sailkatu da. Ryan Sweeting izango du aurkari bigarren kanporaketan. Amerikarrak Pablo Andujar espainiarra kanporatu du lehen txandan.
