Beste kirolak
Miribillan
Bilboko Mastersa: Almagro eta Simon lehen finalaurrekoan
ERREDAKZIOA
Nicolas Almagrok eta Gilles Simonek IV. Bilboko Masterseko lehen finalaurrekoa jokatuko dute Marc Fornell eta Fernando Verdasco garaitu ostean. Jarrai ezazu txapelketa ETB-n eta eitb.com-en zuzenean.
-
Gilles Simon IV. Bilboko Masterseko lehen finalaurrekoetan egongo da. Argazkia: EITB.
Almagrok ez du zailtasun handirik aurkitu Fornell katalandarra garaitzeko; 6-1 eta 6-2 irabazi dio hiru ordu laurdenetan.
Hurrengo neurketa berdinduagoa izan da. Simon eta Verdascoren arteko partida Frantziako tenislariak eraman du 7-6 (5) eta 7-6 (5), ordu bat eta berrogei minututan.
Arrastiko hirugarren neurketan Feliciano Lopezek eta Granollersek neurtu dituzte indarrak. Partida Lopezek irabazi du 7-5 eta 7-6. Eta final-laurdenetako azken norgehiagokan, David Ferrerek Guillermo Olasori 4-1 irabazi dio; Bilboko tenislaria min hartu du.
Larunbateko neurketak arratsaldeko 18:00etan hasiko dira Nico Almagro eta Gilles Simonen aurkako partidarekin eta gero Feliciano Lopez eta David Ferrerek neurtuko dituzte indarrak.
