Itxi

Beste kirolak

ABUZTUAREN 27TIK 31RA

Euskal ordezkariek ekin diote Piraguismoko Munduko Txapelketari, Alemanian

BASQUE TEAM

Augsburgen jokatzen ari da, eta bertan parte hartuko dute Basque Teameko Maialen Chourraut, Ander Elosegi, Joan Crespo, Miren Lazkano, Klara Olazabal eta Olatz Arreguik

  • Maialen Chourraut

    Maialen Chourraut. Argazkia: Basque Teameko bideo batetik hartutako irudia

Basque Teameko palistek eman diote hasiera Augsburgeko Munduko Txapelketari, denboraldiko hitzordu garrantzitsuenari, taldekako probekin.

Maialen Chourraut izan da uretan sartzen lehena. Hiru domina olinpikoren jabeak 6. postuan amaitu du K1ean egindako patruilen jaitsiera, Julia Cuchi eta Laia Sorribesekin batera, 116.35 segundoko denbora eginez, proba irabazi duen Alemaniak baino 13.57 segundo gehiago). Maialen ilusioz gainezka dago, baina badaki, era berean, zaila izango dela Munduko Txapelketa honetan sorpresa ematea bere sorbalda ebakuntzaren ondoren.

Gizonezkoen K1ean, Joan Crespok 11. amaitu du Miquel Trave eta Manuel Ochoarekin batera. 103.89ko denbora egin dute, hots, Alemaniak baino 11.99 gehiago, berriro ere garaile.

Emakumezkoen C1ean, berriz, Miren Lazkanok, Klara Olazabalek eta Ainhoa Lameirok osatutako hirukotea 7. tokian sailkatu da, 131.18ko  kronoarekin (Txekiar Errepublikak baino 15.83 gehiago).

Ander Elosegi Luis Fernandez eta Miquel Traverekin batera aritu da, gizonezkoen C1ean. 12. postuan amaitu dute 153.22ko denborarekin (+57,74 Esloveniarekin alderatuta). Jaitsiera ona egin dute, baina Anderri 4. atean jarritako 50 segundoko zigorrak min handia egin die, eta ezin izan diote bueltarik eman.