Basque Team

Oihane Otaegi eta Mikel Unanue Curling jokalariak 'Biba Zuek!' saioan izan dira praktikatzen duten kirolaz hitz egite aldera. Korean jokatu den Munduko Txapelketan 13. postua lortu dute. Ikus ezazu elkarrizketaren zati bat. (Elkarrizketa osorik, Nahieran)

Lucas Eguibarrek bigarren bukatu du snowboardeko Munduko Kopa. Donostiarrak laugarren egin du azken proban eta ez du iazko garaikurra berresterik izan.

Lucas Eguibarrek asteburu biribila osatu du Sierra Nevadan. Donostiarrak larunbateko proba irabazi zuen, eta bigaren izan zen bigarren proban; ondorioz, Munduko Kopako sailkapen nagusiaren gorenean da.

Irati Idiakez gipuzkoarrak, Raquel Martinezekin batera, urrea eskuratu du Snowboard Krosseko (SBX Team) taldekako proban Gironako La Molina neguko estazioan jokatuko diren snowboard egokituko Munduko Txapelketetan (adierazpenak gaztelaniaz).

35 urterekin erabaki du Ander Elosegik erretiroa hartzea, 17 urtez goi mailan lehiatu ondoren. Txapelketetan hainbat domina lortutakoa da, baita diploma olinpikoak ere.

Eukene Larrarte da scratch modalitateko Europako txapeldunordea. Tolosakoak probaren nondik norakoak azaldu ditu, eta zilarrezko domina bereganatu ostean dituen sentsazioei buruz ere hitz egin du. (adierazpenak gaztelaniaz)

Oihane Otaegi eta Mikel Unanue donostiarrak curling jokalariak dira, eta kirol haren nondik norakoak azaldu dizkigute. Espainiako Txapelketa irabaztea dute helburu nazioartean lehiatzen jarraitzeko, eta Joko Olinpikoetan jokatzea dute amets Basque Teameko kirolariek.

Gipuzkoarra laugarren izan da Cervinian (Italia) jokatu den snowboardcrosseko Munduko Kopako proban. Eguibarrek ezin izan du finala bukatu eroriko baten ondorioz.

Aitzpea Gonzalez arraunlaria izan da 'Helmuga' saioaren protagonista. Kirolari gazte eta dohatsu honen bitartez leinu oso baten berri jaso dugu.

Elena Loyo euskal atletak garaipena lortu du Donostiako maratoi-erdian emakumezkoen mailan. Gizonezkoenean Ayad Lamdassem izan da onena.

Nadia Erostarbek ezin izan du finlerdietarako txartela lortu Munduko Surf Txapelketan. Final-laurdenetan ez zuen aurrera egin, eta bigarren aukeran ez du aurrera egitea lortu.

Pauline Adok Munduko Surf Txapelketako finalerdietarako txartela lortu du. Bestalde, Nadia Erostarbek ezin izan ditu final-laurdenak gainditu, baina aurrera egiteko aukerekin segitzen du.

Garazi Sanchez bizkaitarra eta Ruben Vitoria eta Adur Amatriain gipuzkoarrak Huntington Beacheko (Kalifornia) Munduko Txapelketatik, bigarren aukerakoaren hirugarren eta laugarren kanporaketak gainditu ezin ostean.

Nadia Erostarbe zarauztarrak eta Pauline Ado hendaiarrak Huntington Beacheko Munduko Txapelketako final-laurdenetara igarotzea lortu dute. Garazi Sanchezek eta Adur Amatriainek ez dute hirugarren kanporaketa gainditu, baina lehiaketan jarraituko dute bigarren aukerakoaren bitartez.

Nadia Erostarbe, Garazi Sanchez eta Pauline Ado euskal surflariek Huntington Beacheko Munduko Txapelketako hirugarren kanporaketara sailkatzea lortu dute

Ruben Vitoriak aurrera egin du Kalifornian jokatzen ari den Munduko Surf Txapelketan, eta bigarren aukerako hirugarren txandan izango da. Keoni Lasak, ordea, ezin izan du kanporaketa gainditu.

Huntington Beachen, Kalifornian, jokatuko da datozen egunetan Surfeko Mundiala. Adur Amatriainek lehen postua lortu du bere txandan 10,5 punturekin, bigarren fasera sailkatuz. Ruben Vitoriak bide bera jarraitu du, erraz nagusitu baita bere txandan. Keoni Lasak , berriz, hirugarren bukatu du.

Iñigo Peñak zilarrezko domina lortu du Europako Txapelketako 1000 metroko K2 proban. Bikotea osatu du Francisco Cubelosekin eta bigarren izan dira finalean. Zumaiakoak adierazpen hauek egin ditu zilarrezko domina zintzilikatu ostean.