Beste kirolak
Kirol eskalada
Carreterok eta Linacisorok ez dute aurrera egin Europako Txapelketan
EITB Media
Eneko Carretero eta Mikel Linacisoro euskal eskalatzaileek ezin izan dute finalerdietarako txartela lortu. Ez dute sailkatze fasea gainditu.
-
Mikel Linacisoro, eskalatzailea. Argazkia: EITB Media
Eneko Carretero eta Mikel Linacisoro euskal eskalatzaileek ezin izan dute aurrera egin kirol eskaladako Europako Txapelketan. Biak ala biak kanpoan geratu dira sailkatze fasean.
Sailkapen nagusiko lehen hogei eskalatzaileak sailkatu dira finalerdietara. Carretero zumaiarrak 45. postuan amaitu du. Bestalde, Linacisoro bergararra 47. izan da.
Linacisoo Basque Teameko eskalatzaileak adierazi duenez, ez da sasoi onean iritsi Europako Txapelketa honetara, batez ere sokekin entrenatzen ibili delako, eta ez dago pozik egin duenarekin.
