Itxi

Beste kirolak

Titan Desert

Julen Zuberok irabazi du 2022ko Titan Deserteko bigarren etapa

EITB Media

Lemoakoa (Bizkaia) nagusi izan da, azken metroetan David Valero eta Haimar Zubeldia mendean hartuta.

  • Julen Zubero

    Julen Zubero, 2022ko Titan Deserteko 2. etapako irabazlea. Argazkia: EFE

Julen Zuberok (Krypteia) irabazi du 2022ko Neom Titan Dserteko bigarren etapa, asteazken honetan (abenduak 7), Saudi Arabian. Lemoakoak (Bizkaia) mendean hartu ditu David Valero liderra eta Haimar Zubeldia (Usurbil) txirrindulari profesional ohi euskalduna.

Etapa gogorra izan da, eta txirrindulariek 104 kilometroko ibilbidea gainditu behar izan dute. Zuberok, Valerok eta Zubeldiak bat egin dute tropeletik ihes egin, eta azken txanpara bat eginda iristeko. Amaieran, Zubero izan da nagusi, Valero bigarren, eta Zubeldia hirugarren.

"Txirrindularitzan idatzita ez dagoen arau bat dago, eta gaurkoan bete egin da. Taldekideen moduan joan gara etapa osoan zehar. Hitz egin, eta adostasunera heldu gara. Gaur, zortea nire alde egon da. David Valerok maila handiko txirrindularia dela erakutsi du; beti lan egin du hirurok osatutako taldeak aurrera egin, eta abantaila handitzeko. Garaipena merezi zuen, baina atzo bera izan zen irabazlea, eta sailkapen nagusiko liderra da. Geuk ere lagundu egin diogu lidergoa sendotzen eta beste aurkariekiko abantaila handitzen. Batzuetan batek irabazten du, besteetan besteak. Gauza hauek guztiak apuntatuta geratzen dira etorkizunerako. Beste baten gu izango gara lagunduko diogunak", adierazi du Julen Zuberok etapa garaipena beregatu ostean.