Beste kirolak
Waterpoloa
Alberto Munarriz, Europako waterpolo txapelduna, finalean Kroazia mendean hartuta
AGENTZIAK | EITB MEDIA
Jokalari nafarrak Espainiako selekzioarekin jokatuko du Europako waterpolo finala, eta gol bakarreko aldeaz irabazi zuten Kroaziaren kontrako finalean: 10-11.
-
Espainiako waterpolo taldea, finala irabazi eta gero. EFE
Alberto Munarriz kirolari nafarrak Europako waterpolo txapelketa irabazi zuen asteartean, Espainiako selekzioarekin, Zagreben Kroaziaren aurka jokatutako finalean 10-11 gailendu eta gero. Taldeak egindako 11 goletatik bi sartu zituen Munarrizek.
Tentsioz betetako neurketa orekatua jokatu zuten bi taldeek, eta azken unean erabaki zen emaitza, Alvaro Granadosek egindako bi jokaldirekin. Europako txapelketako urreaz gain, Pariseko Olinpiar Jokoetarako txartela lortu dute.
Espainiako selekzioak titulu hau irabazten duen lehen aldia da; izan ere, orain arte jokatutako hiru finalak (1991n, 2018an eta 2020an) galdu egin zituen.
