Motorra
Kataluniako S.N.
Motoziklismoa: Lorenzok, bikain, 'pole'a lortu du Montmelon
Erredakzioa
Casey Stoner (Ducati) bigarren sailkatu da eta Randy de Puniet (Honda) frantziarra hirugarren; Pedrosarentzat izan da laugarren postua. 125eko mailan, zortzigarren bukatu du Efren Vazquez bilbotarrak.
Jorge Lorenzo (Yamaha) espainiarrak egin du "pole"a igande honetan jokatuko den Kataluniako Sari Nagusira begira korritutako entrenamendu ofizialetan. Denbora bikaina egin (1:42.046) eta Montmelo zirkuituko marka ondu du (Dani Pedrosarena zen, 2008. urtean, 1:42.358). Casey Stoner (Ducati) bigarren sailkatu da eta Randy de Puniet (Honda) frantziarra hirugarren. Pedrosarentzat izan da laugarren postua.
125eko mailan Marc Marquez izan da azkarrena, Pol Espargaro (Derbi) eta Bradley Smith gaindituta. Efren Vazquez bilbotarrak zortzigarren bukatu du.
Andrea Iannone (Speed Up) italiarrarentzat izan da "polea" Moto2ko mailan. Takahashi (Tech 3) izan da bigarren eta Luthi (Moriwaki) hirugarren.
