Motorra
Alemania S.N.
Motoziklismoa: Denboraldiko laugarren 'pole'a Lorenzorentzat
Erredakzioa
Casey Stoner izan da bigarren eta Dani Pedrosa hirugarren. Rossi, berragertu eta bosgarren sailkatu da.
Yamahako Jorge Lorenzok lortu du polea Sachsenringen, Alemaniako Sari Nagusian, Casey Stoner (Ducati) eta Dani Pedrosaren aurretik. Valentino Rossik, bestalde, bosgarren bukatu du. Hilabete eta erdiren ondoren berragertu da italiarra (tibia eta peronea hautsi zituen).
Lorenzok azken hiru minututan gainditu du Pedrosa eta Stoner ere katalanaren aurretik sailkatu da.
Marc Marquez sailkapen nagusiko liderrarentzat izan da polea 125cc-etan. Eskuratutakoa denboraldiko seigarrena da berarentzat, jarraian erdietsi duen laugarrena. Pol Espargaro bigarren sailkatu da eta Bradley Smith (Aprilia) hirugarren. Efren Vazquez bilbotarra seigarren postutik irtengo da.
Moto2ko mailan, Andrea Iannone izan da azkarrena Arne Tode (Suter) alemaniarra eta Toni Eliasen aurretik.
