Motorra
2012ko Munduko Txapelketa
Honda Gresinik Alvaro Bautista fitxatu du
Erredakzioa
Espainiako pilotuak Marco Simoncelli ordezkatuko du.
-
Alvaro Bautista. Argazkia: EFE
Moto GPko San Carlo Honda Gresini taldeak komunikatu bat kaleratu du gaur Alvaro Bautista fitxatu duela jakitera emateko. Talavera de la Reinako pilotua (azken bi denboraldietan Suzuki taldean egon da) gaur hasi da bere talde berriarekin entrenatzen, Valentziako Cheste zirkuituan.
Gresini pozik azaldu da. "Oso pozik nago Alvaro Bautista datorren denboraldian San Carlo Honda Gresini taldeko koloreak dituen Honda RC213V batekin ariko delako. Pilotu oso azkarra da, eta nortasun handia du". Gainera, pilotu honekin ere lorpen handiak izango dituztela aurreratu du: "Ziur nago inolako arazorik gabe integratuko dela gure taldean, eta elkarrekin esperientzia oso onak biziko ditugula guztiok".
