Motorra
Bat Formula
Williamsen garajean izandako leherketak alarma piztu du Montmelon
Erredakzioa
Ke beltza irtetzen hasi da gaur Espainiako Sari Nagusian garaipena lortu duen taldearen egoitzatik. Taldea osatzen duten kide guztiak lekua uztaraztera behartu dituzte.
-
Williamsen garajean kea irtetzen hasi den unea. Argazkia: EFE
Williams taldeak Montmelon izan duen garajean leherketa bat egon da bere pilotua den Pastor Maldonadok lortutako garaipena ospatzen eta gauzak batzen ari zirenean. Suhiltzaileak bertara gerturatu dira sutea itzaltzeko.
Oraindik ez dira arrazoiak argitu, baina bapatean ke beltza ateratzen hasi da Williamsen garajetik. Taldea osatzen duten kide guztiak zonaldea uztaraztera behartu dituzte eta 'paddock'etik eta 'pit lane'tik utzi dute zirkuitua. Inguruko garajeak ere uztu egin behar izan dituzte arriskuagatik.
Lau zauritu izan omen dira leherketa honen ondorioz. Zalantzarik gabe, Williams taldea erabateko protagonista izan da gaurkoan Montmelon suteagatik eta Maldonadok lortutako garaipenagatik.
