Ferrariren babes osoa du Fernando Alonsok

Sebastian Vettelek Koreako Sari Nagusia irabazi zuen igandean eta Fernando Alonsori munduko sailkapenaren lidergoa lapurtu zion. Ferrarin "izua" ez dagoela adierazi du Stefano Domenicali taldeko zuzendariak.

"Gogoratu beharra dago azken bost probetatik bitan ezin izan dugula amaitu. Dena azkar aldatzen da", esan du. "Egia da azken probetan oso indartsu ibili dela Red Bull, baina txapelketa oso luzea da, erronka zaila dago aurretik", gaineratu du.