Barakaldo-Laudio eta Alaves-Bartzelona B, zuzenean, ETB1en

Zuzeneko hiru kirol emanaldia izango dira gaur arratsaldean Euskal Telebistan: Bigarren B Mailako eta Bigarren Mailako futbol neurketak ETB1en eta Endesa Ligako saskibaloi partida ETBKn. Hiru emanaldia eitb.com-en streaming bidez ere jarraitu ahal izango dira.

ETB1en 16:00etan hasiko dute Barakaldo eta Laudio arteko norgehiagokaren kontakizuna Xabier Anduezak, Juanan Larrañagak eta Mikel Ibargoienek. Hori amaitzean Alavesek Bartzelona Bren aurka jokatuko duen partida izango da ikusgai. Naxari Altuna, Juanan Larrañaga eta Joseba Urkiola izango dira esatariak.

19:00etan izango dugu Endesa Ligarekin hitzordua. Valencia Basket-Gipuzkoa Basket neurketaren berri emango dute Xabier de la Fuentek eta Josean Aldalurrek.

Bestalde, Jon Elortzak futbol jardunaldiaren errepasoa egingo du 21:00etatik aurrera 'Gol Festa' saioan, ETB1en. Arratsaldean Realak Valentziaren aurka jokatutako neurketari arreta berezia eskainiko diote.