Frantziako Tourra: Etapa garaipena eta lidergoa Sylvain Chavanelentzat

Quick Step taldeko Sylvain Chavanelek irabazi du Frantziako Tourreko bigarren etapa. Bruselas eta Spa artean burutu da etapa 201 kilometro zituelarik. Chavanelek lau minutuko abantaila lortu du tropelarekiko eta ondorioz bera da Tourreko lider berria. Cancellarak liderraren elastikoa galdu du.

Eguneko ihesaldia 11. kilometroan sortu da. Zortzi lagun izan dira hainbat kilometrotan lasterketa buruan: Lloyd eta Roelandts (Omega), Burghardt (BMC), Chavanel eta Pineau (Quick Step), Turgot (Bouygues), Taaramae (Cofidis) eta Gavazzi (Lampre). Hauek ondo konpondu dira helmugarako 28 kilometro falta zirenera arte. Orduan, tropelak gertu zituen iheslariak eta Chavanelek erasoa jo du. Troplean eroriko izan da eta hainbat txirrindulari moztuta geratu dira, artean Tourra irabzateko faborito guztiak Denis Menchov izan ezik. Contador, Armstrong, Wiggings, Basso eta Cancellara bera moztuta geratu dira tropelean, baina are atzerago moztuta geratu direnak Schleck anaiak izan dira, Andy eta Frank. Atzerapen handia zuten faboritoen multzoarekiko Schleck anaiek, baina tropelak Saxo Bankeko txirrindulariei itxarotea erabaki du. Hauek bat egin dute tropelarekin azken txanpan eta lasaitu ederra hartu ere hainbat denbora galdu baitzetzaketen. Nahaspila honek mesede galanta egin dio Chavaneli eta honek bakarrean gurutzatu du helmuga etapa garaipena lortuz.

Tropela Chavanelengandik lau minutura iritsi da eta ondorioz Quick Stepeko txirrindularia da Frantziako Tourreko lider berria.

2. etapako sailkapena:

.1. Sylvain Chavanel (FRA-Quick Step) 4.40:48
.2. Maxime Bouet (FRA-AG2R) + 3:56
.3. Fabian Wegmann (ALE-Milram) d.b.
.4. Robbie McEwen (AUS-Katusha) d.b.
.5. Christian Knees (ALE-Milram) d.b.
.6. Jürgen Roelandts (BEL-Omega Pharma) d.b.
.7. Thor Hushovd (NOR-Cervelo) d.b.
.8. Linus Gerdemann (ALE-Milram) d.b.
.9. Matthieu Ladagnous (FRA-Française) d.b.
10. Bernhard Eisel (AUT-HTC Columbia) d.b.

Sailkapen nagusia:

.1. Sylvain Chavanel (FRA-Quick Step) 10h.02:25
.2. Fabian Cancellara (SUI-Saxo Bank + 2:57
.3. Tony Martin (ALE-HTC Columbia) + 3:07
.4. David Millar (GBR-Garmin Transitions) + 3:17
.5. Lance Armstrong (USA-Radioshack) + 3:19
.6. Geraint Thomas (GBR-Sky) + 3:20
.7. Alberto Contador (ESP-Astana) + 3:24
.8. Tyler Farrar (USA-Garmin Transitions)&' || 'nbsp; + 3:25
.9. Levi Leipheimer (USA-Radioshack) + 3:25
10. Edvald Boasson Hagen (NOR-Sky) d.b.
11. Brent Bookwalter (USA-BMC) + 3:32
12. Janez Brajkovic (SLO-Radioshack) d.b.
13. Michael Rogers (AUS-HTC Columbia) d.b.
14. Ruben Plaza (ESP-Caisse d''Epargne) + 3:33
15. Andreas Klöden (ALE-Radioshack) d.b.

Honela bizi izan dugu Frantziako Tourreko bigarren etapa eitb.com-en.