Reala
Reala
Griezmann: 'Europako postuetan egoteko potentziala daukagu'
Erredakzioa
Realeko jokalariak esan du Real Madril eta Bartzelona beste liga batekoak direla. Bere intentzioa talde txuri-urdinean geratzea dela ere esan du.
Antoine Griezmann Realeko jokalariak gaur adierazi du futbol gogoa duela adierazi du aste bete baitarama baloirik ukitu gabe. Zaragozaren aurka jokatzeko gogoa du frantziarrak.
"Aste honetan atsedena hartu dut, familiarekin eta lagunekin egon naiz futbolean pentsatu gabe eta ondo etorri zait. Orain, futbolean jokatzeko gogoz nago", esan du Zubietan entrenamendua burutu ondoren. Griezmannen ustez partida zaila izango da Romaredakoa.
2010. urtea oso ona izan da Griezmannentzat. Lehen Mailara igotzea lortu zuen Realarekin eta 19 urtez azpiko Eurokopa irabazi du Frantziarekin. Baina, Griezmann momentu batekin geratzen da: "Cadizeko eguna izan zen garrantzitsuena, egun horretan Lehen Mailan ikusi genuen gure burua".
Realeko aurrelariak dio taldeak Europako postuetan egoteko aukera duela: "Europako postuetan egoteko potentziala daukagu. Championsagatik edo Europa Leaguean sartzeagatik borrokan aritzea espero dut".
Antoine Griezmannen joko onak bere herrialdeko Lyon eta Marsella bezalako taldeen interesa piztu du, baina jokalariak argi dauka: "Ni gustora nago hemen eta nire asmoa Realean jarraitzea da".
