kirolak
Esker ona
Edurne Pasabanek Euskal Herritar Unibertsala Saria jaso du
Erredakzioa
Hunkituta jaso du saria eta eskerrak eman dizkie epaimahaikideei eta baita urte luze hauetan babesa eman diotenei ere.
Bideoak (1)
Edurne Pasaban mendizaleak aurtengo Euskal Herritar Unibertsala Saria jaso du Lehendakaritzan (Gasteiz) Patxi Lopez lehendakariaren eskutik. Lehendakariak Txomin Garcia Hernandez Euskadiko Kutxaren presidentearekin batera zuzendu du ekitaldia.
Alpinista tolosarrak hunkituta jaso du saria, eskerrak eman dizkie epaimahaikideei eta baita urte luze hauetan inguruan babesa eman diotenei ere. Esan duenez, erantzukizun handia da Euskal Herriaren izena munduan zabaltzea, baina aurrerantzean ere horretan saiatuko da.
14. aldia da sari hori ematen dutela, alegia, 1996ean antolatu zuten lehenengo sari-banaketa Eusko Jaurlaritzak eta Euskadiko Kutxak. Saria euskal irudi positiboa bultzatzen laguntzen duten pertsonei, elkarteei eta erakundeei ematen zaie.
Aurreko urteetan saria jaso dutenak honako hauek dira: Javier Aguirresarobe eta Mikel Urmeneta (2009), Juan Maria Arzak (2008), Bilboko Guggenheim Museoa (2007), Auñamendi Argitaletxea(2006), Joaquin Achucarro (2005), Joane Somarriba (2004), Ainhoa Arteta eta Martin Ugalde (2003), Xabier de Irala (2002), Pablo Mandazen "Hermano Gines" (2001), Juan Oiartzabal eta Jon Sobrino (2000), Pedro Miguel Etxenike (1999), Donostiako Orfeoia eta Jorge Oteiza (1998), eta Monseñor Laboa eta Eduardo Chillida (1997).
