Binakakoa
(22-21)
Zorte pixka batek garaipena eman die Bengoetxeari eta Beroizi
Erredakzioa
Bengoetxeak eta Beroizek hirugarren garaipena lortu dute, eta bolada onari eutsi diote. Irujok eta Zabaletak amaierara arte borroka egin dute, baina ihes egindako pilota batek neurketa erabaki du.
Bengoetxeak eta Beroizek Irujo eta Zabaleta hartu dituzte mendean, partida estu batean (22-21), Binakako Txapelketako hirugarren jardunaldian. Eibarko Astelena pilotalekuan jokatutako partida ikusgarria eta zirraragarria izan da; izan ere, Beroizi ihes egindako pilota batek neurketa erabaki du azken tantoan.
Horrela, Bengoetxeak eta Beroizek porrotik jaso gabe jarraitzen dute eta hirugarren garaipena jarraian bildu dute. Bien bitartean, Irujok eta Zabaletak txapelketako aurreneko porrota jaso dute.
Zabaleta atzeko koadroetan nagusi izan da une oro, baina Beroizek baino pilota gehiago galdu ditu eta horrek bikoteari kalte egin dio amaieran.
Aurreko koadroetan alternatibak izan dira eta bi aurrelariek tantoa bukatzeko orduan asmatu dute. Beroizek ez du eraginkortasun handirik azaldu, baina sendo agertu da eta Bengoetxeak tanto bat baino gehiago irabazi du aurrean.
Horrela, norgehiagoka detaile txikiek eta zorteak erabaki dute; izan ere, Leitzako aurrelariak eta Huarteko atzelariak zortea alde izan dute azken tantoan.
Neurketa tantoz tanto: 0-1; 1-1; 2-1; 3-1; 4-1; 4-2; 5-2; 6-2; 7-2; 7-3; 7-4; 8-4; 9-4; 10-4; 11-4; 11-5; 11-6; 11-7; 11-8; 11-9; 12-9; 12-10; 12-11; 13-11; 13-12; 14-12; 14-13; 14-14; 15-14; 15-15; 16-15; 17-15; 18-15; 19-15; 19-16; 19-17; 20-17; 20-18; 20-19; 21-19; 21-20; 21-21; 22-21.
