Binakakoa
4. jardunaldia
Aritz Lasak Xalaren lekua beteko du, gaur gaueko Binakako partidan
Erredakzioa
Iparraldeko aurrelaria sukarrak jota dago. Lasa Ceciliorekin batera arituko da, azken hau ere ordezko moduan arituko da, Zubietaren ordez. Olaizola II-Aretxabaleta bikotea izango dute aurkari.
Albisteak (3)
Bideoak (1)
Binakako Txapelketak aurrera jarraitzen du, eta asteburu honetan laugarren jardunaldiko partidak jokatuko dira.
Donibane Lohizunen, Lasa-Cecilio (Lasa Xalaren ordez arituko da, eta Cecilio, Zubietarebn ordez) bikoteak Aimar Olaizolaren eta Aretxabaletaren aurka jokatuko du Donibane Lohizunen, 20:30ean (ETB1en eta eitb.com-en, 22:00etan izango da ikusgai).
Larunbatean, aldiz, Berasaluze II.a eta Albisu nor baino nor gehiago arituko dira Martinez de Irujoren eta Barriolaren aurka.
Bestalde, igandean bi partida jokatuko dira. Eibarko Astelena pilotalekuan, Ezkurdia-Zabaleta bikoteak Urrutikoetxearen eta Beroizen aurka jokatuko du, eta, Logroñoko Adarragan, Titin III-Merino II bikoteak Bengoetxea VI-Galarza bikotea izango du aurkari.
Laugarren jardunaldiko partiden datak eta ordutegiak:
Urtarrilaren 10ean, Donibane Lohizunen: Olaizola II-Aretxabaleta vs Xala-Cecilio (20:30ean). ETB1en eta eitb.com-en, 22:00etan.
Urtarrilaren 11n, Iruñeko Labriten: Berasaluze II-Albisu vs Irujo-Barriola (17:15ean)
Urtarrilaren 12an, Eibarko Astelenan: Ezkurdia-Zabaleta vs Urrutikoetxea-Beroiz (17:00etan)
Urtarrilaren 12an, Logroñoko Adarragan: Titin III-Merino II vs Bengoetxea VI-Ladis Galarza (17:00etan). Zuzenean, ETB1en eta eitb.com-en.
