Binakakoa
Finalerdiak
Garaipen erraza lortu dute Olaizola II.ak eta Aretxabaletak (22-8)
Erredakzioa
Goizuetako jaun eta jabe aritu da, eta Lasak eta Barriolak ezin izan dute haren jokoa geldiarazteko ezer egin
-
Aimar Olaizola eta Andoni Aretxabaleta. Argazkia: EITB
Aimar Olaizolak eta Andoni Aretxabaletak aurreneko puntua eskuratu dute Binakako Txapelketako finalerdietako ligaxkan. Bikoteak erraz gainditu ditu Aritz Lasa eta Abel Barriola Gasteizko Ogueta pilotalekuan jokatutako neurketan.
Olaizola II.a izan da partidako onena. Goizuetako jaun eta jabe aritu da, eta urdinek ezin izan dute haren jokoa geldiarazteko ezer egin. Lasa azken tantoetan suspertu da, baina ez dira markagailuari buelta emateko gai izan.
Igande honetan zuzenean eskainiko dute eitb.com-ek eta ETB-1ek Xala-Zubieta / Urrutikoetxea-Beroiz partida (17:00etatik aurrera).
