Binakakoa
22-7 Irujori eta Merino II.ari
Binakako Txapelketa: Berasaluzeren eta Apraizen erakustaldia
Andoni Beldarrain
Erredakzioa
Irujok eta Merino II.ak osatutako bikotearen aurka 22-7 irabazi zuten bizkaitarrek.
Pablo Berasaluzek eta Alexis Apraizek garaipen garrantzitsua lortu zuten bart Izarran Binakako Txapelketari zegokion partidan. Juan Martinez de Irujo eta Merino II izan zituzten aurkari eta 22-7ko emaitzarekin lortu zuten garaipena.
Hasieran partida berdinduta egon zen. Berdinketak nagusi izan ziren markagailuan lehen tantoetan (1-1, 3-3 eta 4-4). Ondoren nagusi izan ziren bizkaitarrak. Apraizek agindu egin zuen atzeko koadroetan eta Berasaluzek ondo mugitu zuen Irujo aurrean. Azkenean, garaipen erraza lortu zuten Berasaluzek eta Apraizek (22-7).
Garaipen honekin Pablo Berasaluze eta Alexis Apraiz hiru garaipenekin jartzen dira sailkapenean bost partida jokatu ondoren. Irujo eta Merino II.ak bi garaipen eta hiru porrot dituzte jokatutako bost partidetan.
