Binakakoa
7. jardunaldia
Elezkano II.a eta Rezusta, liderrak lehen itzulia amaituta
eitb.eus
Binakako Txapelketaren 7. jardunaldia jokatu ostean, hiru bikote daude berdinduta sailkapenaren buruan, bosna garaipenekin.
2019ko Binakako Txapelketaren lehen itzulia amaitu da, eta 7 jardunaldiren ostean, hiru bikote daude berdinduta sailkapenaren buruan, bosna garaipenekin. Aldeko eta kontrako tantoen balantzeak finkatzen ditu postu zehatzak hiruren artean.
Elezkano II.a eta Rezusta dira sailkapeneko liderrak Urrutikoetxeari eta Aretxabaletari irabazita (22-9). Bigarren postuan daude Irribarria eta Zabaleta, hirugarren postuan dauden Olaizola II.ari eta Albisuri irabazita (22-19). Laugarren postua Artolak eta Mariezkurrenak betetzen dute, Ezkurdiari eta Galarzari (22-16) irabazita.
Bengoetxea VI.a eta Imaz bosgarren postuan kokatu dira Altuna III.ari eta Martijari irabazi (22-13) ostean. Azken postuetan dauden hiru bikoteak berdinduta daude bina garaipenekin. Ezkurdia eta Galarza seigarren dira, Altuna III.a eta Martija zazpigarren, eta Urrutikoetxea eta Aretxabaleta zortzigarren.
Binakako Txapelketako sailkapena 7. jardunaldia amaitu ostean:
| BIKOTEAK | IRABAZITA | TANTOAK ALDE | TANTOAK KONTRA | ALDEA | |
| 1 | Elezkano II - Rezusta | 5 | 136 | 100 | 36 |
| 2 | Irribarria - Zabaleta | 5 | 137 | 110 | 27 |
| 3 | Olaizola II - Albisu | 5 | 142 | 123 | 19 |
| 4 | Artola - Mariezkurrena II | 4 | 125 | 126 | -1 |
| 5 | Bengoetxea VI - Imaz | 3 | 119 | 129 | -10 |
| 6 | Ezkurdia - Galarza | 2 | 121 | 131 | -10 |
| 7 | Altuna III - Martija | 2 | 123 | 148 | -25 |
| 8 | Urrutikoetxea - Aretxabaleta | 2 | 112 | 148 | -36 |
