Binakakoa
Aldaketak
Urrutikoetxeak Aranguren ordezkatuko du Binakakoan, eta Eskirozek, Mariezkurrena
EITB MEDIA
Bai Urrutikoetxeak bai Eskirozek eskuko mina dutenez, ezingo dituzte larunbat honetako Binakako Txapelketako partidetan parte hartu.
-
Urrutikoetxea eta Eskiroz
Mikel Urrutikoetxeak atzelari gisa jokatuko du berriz Eskuz Binakako Pilota Txapelketan larunbat honetan Bizkaia Frontoian, Lasorekin, Arangurenen ordez. Hala, Zaratamoko pilotariak hirugarrenez jokatuko du txapelketa honetan, 2016. eta 2020. urteetako edizioetan izan ostean. Laso izango du bikote, Altuna III-Martija bikotea mendean hartzeko.
Era berean, Eskirozek Mariezkurrena II.a ordezkatuko du larunbat honetan, Iruñeko Labrit frontoian. Jon Mariezkurrena ere baja izango da eskuin eskua minduta duelako, eta horregatik kantxaratuko da Eskiroz, Jakarekin batera, Peio Etxeberria eta Zabaleta bikotearen kontra jokatzeko.
