Danel Elezkanok Buruz Buruko Txapelketara sailkatzea lortu du

Danel Elezkanok 10-22 irabazi dio Mikel Beroizi Buruz Buruko Txapelketako Asegarce enpresaren atariko partida eta Banakako Txapelketa jokatzeko txartela lortu du Zaratamoko (Bizkaia) pilotariak.

Elezkano II.a nagusi izan da hasieratik amaieraraino eta garaipen erosoa lortu du. Hasierako 0-6ko partzialak norgehiagoka bideratzen lagundu dio. Ondoren, abantaila erosoak izan ditu markagailuan (4-13, 5-19 eta 6-21) eta garaipenak ez dio ihes egin (10-22).