Lau t'erdikoa
Astelenan
Lau t'erdikoa: Barriola final-zortzirenetan da (22-13)
Erredakzioa
Barriolak Saralegi gainditu eta Bengoetxearen aurka neurtuko ditu indarrak hurrengo kanporaketan. Igande honetan jokatutako beste partidan, Mikel Urrutikoetxeak Zubieta kanporatu du (12-22).
Abel Barriolak Lau t''erdiko final-zortzirenetarako txartela eskuratu du Astelenan Ekaitz Saralegi kanporatuta (22-13).
Saralegik sustoa eman du neurketa hasi bezain pronto (2-2) belaunean min hartu eta aldageletara abiatu denean. Zortzi minutu geroago, kantxara atera da berriro ere eta errenka jokatu duen arren, dena eman du.
Sakeari esker lortu du Abelek garaipena. Final-zortzirenetan Oinatz Bengoetxearen aurka neurtuko ditu indarrak, Leitzarren arteko derbia izango da.
Igande honetan jokatutako beste partidan, Mikel Urrutikoetxeak Zubieta gainditu du (12-22). Bizkaitarrak debut bikaina egin du eta Astelenan lortutako garaipenari esker hurrengo kanporaketarako txartela lortu du. Bere hurrengo aurkari, Iñigo Diaz.
